Faton Peci ka thënë se autoritetet shtetërore kanë kthyer sot 600 metra katrorë në shërbim të Ministrisë së Bujqësisë.
Ministri Peci ka thënë se objekti, në të cilin ishte e vendosur edhe selia qendrore e Aleancës për Ardhmërinë e Kosovës, ka rreth 600 metra katror.
Peci ka njoftuar se së shpejti do të fillojë procesi i renovimit.
″I rikthyem mbi 600 metra katrorë në shërbim të titullarit; Ministrisë së Bujqësisë!
Sot vizitova hapësirat e objektit të Ministrisë së Bujqësisë në Lagjen Ulpiana në Prishtinë, ku kemi rikthyer mbi 600 metra katror në shërbim të institucionit. Së shpejti do të fillojmë me procesin e renovimit″, tha ai.
″Mbetem optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat për rreth saj të jenë në shfrytëzim dhe shërbim për titullarin dhe njëherit të mundësohet zbatimi i vendimit tim si Ministër i marrë me datë 22.08.2023″, ka thënë ministri Peci.
/Demokracia