Ambasada e Republikës së Kosovës në Emiratet e Bashkuara Arabe dje ka bërë një veprim të pa tolerueshëm. Në profilin e saj në “Facebook”, ambasada kosovare në Abu Dabi ka shpërndarë postime të Lëvizjes Vetëvendosje.
Një veprim i tillë është cilësuar si skandaloz, meqenëse me ligjet në fuqi misionet diplomatike të Kosovës iu shërbejnë të gjithë qytetarëve të Kosovës e jo vetëm votuesve të një subjekti politik.
Duket se ambasada i ka rënë shpejt pishman për veprimin e bërë.
SHARE:
Ambasada e Republikës së Kosovës në Emiratet e Bashkuara Arabe dje ka bërë një veprim të pa tolerueshëm. Në profilin e saj në “Facebook”, ambasada kosovare në Abu Dabi ka shpërndarë postime të Lëvizjes Vetëvendosje.
Një veprim i tillë është cilësuar si skandaloz, meqenëse me ligjet në fuqi misionet diplomatike të Kosovës iu shërbejnë të gjithë qytetarëve të Kosovës e jo vetëm votuesve të një subjekti politik.
Duket se ambasada i ka rënë shpejt pishman për veprimin e bërë.
Brenda pak kohe, postimi në fjalë është larguar nga profili i zyrtar i ambasadës.
Megjithatë, gazeta ka siguruar shpërndarjen e postimit.
Fotografia e siguruar flet se Ambasada e Republikës së Kosovës në Emiratet e Bashkuara Arabe ka shpërndarë postimin e Lëvizjes Vetëvendosje, ku flitet për homazhet që liderët institucionalë të Kosovës dje kanë bërë në Kompleksin Memorial “Adem Jashari” në Prekaz.
Deri me tani ambasada nuk ka bërë asnjë shpjegim për këtë veprim.
Nëse shikohet profili i ambasadës, aty shihet se stafi diplomatik bën “share” çdo postim të Ministres së Punëve të Jashtme dhe të Diasporës, Donika Gërvalla.
Gjithashtu, ambasada iu rrinë edhe presidentes Vjosa Osmani dhe kryeministrit Albin Kurti, duke shpërndarë postimet që ata i bëjnë në rrjete sociale.
Kritikohet gabimi i ambasadës
Ndaj gabimit të ambasadës kanë reaguar opozita dhe shoqëria civile.
Ata kanë vlerësuar se veprimi i ambasadës ka qenë anti-ligjor.
Deputetja e PDK-së, Ariana Musliu-Shoshi, e cila është anëtare e Komisionit për Punë të Jashtme, ka kërkuar përgjegjësi.
Në profilin e saj në “Facebook”, ajo ka shkruar se kjo tregon për kapjen e diplomacisë nga partia në pushtet.
“MARRE! Për besë fort marre në çfarë deregje ka ra diplomacia jonë! Përveç që një veprim i tillë nga diplomatët e Ambasada është i jashtëligjshëm, kjo tregon për nivelin e servilizmit, joprofesionalizmit dhe me shumë dëshmon KAPJEN e diplomacisë nga LVV! Dikush do të jap përgjegjësi për këtë veprim!”, ka shkruar Musliu-Shoshi.
Në profilin e tij në “Facebook”, ai ka shkruar se ambasadat e Kosovës i shërbejnë të gjitha qytetarëve të Kosovës, jo vetëm votuesve të VV-së.
“Ambasada jonë në Abu Dhabi, në faqen zyrtare të saj në Facebook, shpërndanë postime të subjektit politik në pushtet. Kjo është e patolerueshme! Misioni diplomatik i Kosovës, në Abu Dhabi e kudo tjetër, i shërben të gjithë qytetarëve të Kosovës, e jo votuesve të njërës apo tjetrës parti politike”, ka shkruar ai.
Për këtë veprim ai ka fajësuar ambasadorin e Kosovës në Emiratet e Bashkuara Arabe, Xhabir Hamiti.
“Ky mision diplomatik, të gjitha postimet në Facebook i ka skandaloze e të mbushura me gabime drejtshkrimore, dhe ky skandal është në vazhdën e këtyre dështimeve. Faqja në Facebook e kësaj ambasade shpesh postimet i ka në vetën e parë, e që le të nënkuptohet që vet Xhabir Hamiti i menaxhon postimet. Mirëpo, nëse nuk din me iu përmbajte rregullave të drejtshkrimit e etikes diplomatike, ndoshta është mirë me abstenu prej postimeve, e me ia lënë menaxhimin e kësaj faqeje dikujt tjetër nga stafi diplomatik. Mbase atëherë as nuk do të bëheshin këso lëshimesh, ku ambasadori i emëruar nga ky pushtet haptazi e tregon se i shërben vetëm partisë në pushtet, e për më tepër pavarësisht se ka dëshirë me e reklamu titullin ‘Dr.’, nuk i din rregullat bazike te shkrimit”, ka shkruar ai.
Më tej, ai ka kritikuar edhe kryediplomten Donika Gërvalla.
“Marrëzia në diplomacinë tonë s’paska fund! Ama, ndoshta edhe pritshmeritë e mia janë jorealiste për njerëz të cilët i ka emëruar kryegabimtarja e diplomacisë kosovare, Donika Gervalla…”, ka shkruar Abrashi,raporton Nacionale.
Ai i ka treguar disa nga postimet e fundit të Ambasadës së Kosovës në Emiratet e Bashkuara Arabe, duke identifikuar gabimet që janë bërë në shkrimet e postuar.