Kryeministri i Kosovës, Albin Kurti ka përfunduar takimin e tij në Bruksel i cili nuk zgjati më shumë se 30 minuta.
Në këtë takim Kurti u takua me Scholzin, Macronin dhe Melonin.
Gazetari Kushtrim Sadiku i cili po raporton nga Brukseli ka bërë të ditur që kryeministrja e Italisë, Giorgia Meloni nuk qëndroi më shumë se 7-8 minuta në këtë takim.
Pas takimit Kurti u pa teksa doli, por nuk u prononcua për media.
Edhe takimi i treshes evropiane me presidentin e Serbisë, Aleksander Vuçiq ka përfunduar. Deri më tani s’ka pasur asnjë prononcim për media në lidhje me këto dy takime./Demokracia