Ka përfunduar dyluftimi ndërmjet Florian Markut dhe Rylan Charltonit me këtë të fundit që e ka dorëzuar luftën në raundin e tetë.
Goditjet e Markut ishte të pa përballueshme për rivalin e tij dhe kështu Florian Marku e regjistron fitoren e tetë në karrierën e tij duke e vazhduar rekordin si i pamposhtur edhe më tutje, raporton KosovaPress.
Edhe para ndeshjes Marku kishte deklaruar se do ta mposht Charltonin dhe se për këtë ishte shprehur shumë i bindur, gjë të cilën edhe e arriti.
Gjatë tetë raundeve u zhvillua një dyluftim i ashpër, por Marku ishte më preçiz dhe më i saktë në lojën e tij duke siguruar kështu fitoren e radhës./KosovaPress