Në një video të pazakontë të publikuar nga gazetarja e Euractiv, Aneta Zachova, shihet kryeministri i Shqipërisë Edi Rama në një takim shumë miqësor dhe të veçantë më Kryeministren italiane, Giorgia Meloni gjatë takimit të dytë të Komitetit Politik Evropian që po zhvillohet në Moldavi.
Pamjet duket se kanë tërhequr vëmendjen e mediave dhe opinionit publik pasi Rama duket shumë i afruar me Melonin dhe ata nuk hezitojnë të shkëmbejnë edhe përqafime dhe puthje me njeri-tjetrin.
Rama ndodhet në Moldavi ku ka takuar disa nga liderët evropian dhe rajonal. Megjiathë mes seriozitetit të temave të diskutuara në takimet e nivelit të lartë, duket se Rama ka gjetur momentin për të treguar një lidhje të veçantë me kryeministren italiane.