Gjiganti spanjoll Real Madrid dëshiron që ta rikthej Martin Odegaard në “Santiago Bernabeu”, në fund të këtij sezoni, kur edhe i përfundon huazimi tek Arsenal, raporton “Mundo Deportivo”.
“Galaktikët” kanë synim të nënshkruajnë me yllin norvegjez Erling Haaland, dhe dëshirojnë ta përdorin bashkëkombësin e tij Odegaard, për ta bindur sulmuesin e Dortmundin që të kalojë në radhët e tyre, përcjell KosovaPress.
Momentalisht, Odegaard është në radhët e skuadrës londineze Arsenal, ku kaloi në formë huazimi nga skuadra e Real-it, dhe në fund të këtij sezoni do të rikthehet në “Santiago Bernabeu”, pasi që e shohin si pjesë të një plani afatgjatë, së bashku me shokun e tij të kombëtares Haaland.
Haaland, sipas spekulimeve të shumta, do të largohet nga Borussia Dortmund, dhe interesim për shërbimet e tij kanë shprehur shumë skuadra të mëdha evropiane, ndër to Chelsea, Manchester City e United dhe Real Madridi./KosovaPress