Deputeti i LDK’së, Besian Mustafa ka kritikuar Qeverinë Kurti për mos menaxhimin e krizës energjetike. Sipas Mustafës, qeveria krejt çka bëri është veç rrudhja e krahëve.
“Po ju fajësojmë për paralizën totale në Kosovë. Secila qeveri në Evropë ka ndërmarrë masa. Qeveria e Republikës së Kosovës, që gjithçka që ka marrë deri tash është rrudhja e supeve për të thënë s’kemi çka bëjmë”, tha ai.
Ministrja e Ekonomisë, Artane Rizvanolli e ka prezantuar para deputetëve këtë propozim, duke thënë se një veprim i tillë është i nevojshëm.
“Për herë të parë shpalljen masave emergjente Qeveria e ka kërkuar në gusht. Meqë situata me energji nuk është përmirësuar qeveria ka marrë vendim për zgjatje edhe dy herë nga 30 ditë. Qeveria ka miratuar vendimin për zgjatjen e sërishme të masave”, ka deklaruar ajo.
Propozimin e ka përkrahur LV-ja, ndërsa kundër këtij propozimi ka dalë PDK-së./Sinjali