Janë bërë rreth dymbëdhjetë orë nga nisja e implementimit të heqjes së dokumenteve hyrje-dalje nga ana e institucioneve të Serbisë dhe situata e sigurisë në pikë kalimet kufitare, sidomos në ato në veri vazhdon të mbetet e qetë dhe pa asnjë incident.
Nga Policia Kufitare, tregojnë për Gazetën Sinjali se deri në këto momente në orën 11:00, gjendja është stabile dhe nuk ka pasur asnjë incident që vlen për tu theksuar.
“Janë bërë gati dymbëdhjetë orë nga nisja e zbatimit të marrëveshjes dhe nuk është shënuar asnjë incident”, thanë burime nga Policia Kufitare për gazetën Sinjali.
Sipas tyre, pos policisë kufitare, nuk ka pasur nevojë për forca tjera.