Një fabrikë në fshatin Babush të Ferizajt është përfshirë nga flakët, të shtunën në mëngjes, raporton Gazeta Sinjali. Në këtë fabrikë që merret me përpunimin e filtrave, janë shkaktuar dëme të konsiderueshme, vlera e të cilave është goxha e majme.
Pasi Policia mori informacionin për këtë incident, Zjarrfikësit dh njësitë tjera kanë intervenuar për ta lokalizuar zjarrin dhe fatmirësisht s’ka persona të lënduar. Sipas informatave të para, dëmi kap vlerën e rreth 50 mijë euro.
Përveç tyre, Sinjali mëson se në vendin e ngjarjes kanë dalë edhe ekspertët, në mënyrë që të zbardhen rrethanat se si erdhi deri te zjarri dhe cili është shkaktari.
Burimet e Sinjalit brenda Prokurorisë kanë bërë me dije se ajo që dihet deri më tani është se Prokurori i Shtetit ka urdhëruar nisjen e hetimeve.