Një aksident trafiku ka ndodhur sot rreth orës 10:30 në udhëkryqin e rrugës nacionale në Vushtrri, ku si pasojë është lënduar një person, raporton Gazeta Sinjali.
Burimet e Gazetës Sinjali bëjnë të ditur se deri te aksidenti ka ardhur pasi njëri nga shoferët e përfshirë në aksident ka bërë kyçje nga rruga dytësore në atë nacionale në mënyrë të pasigurtë, me ç’rast i ka marrë përparësinë e kalimit veturës tjetër.
Për shkak të lëndimeve të marra, 63-vjeçarja është dërguar në Emergjencën e Spitalit të Vushtrrisë.
Sinjali mëson se gjendja e saj shëndetësore është stabile dhe ajo ndodhet jashtë rrezikut për jetë.