Anëtari i Lidhjes Demokratike të Kosovës, Skënder Hyseni ka folur mbrëmë për deklaratat e Adnan Merovcit për ish-presidentin Ibrahim Rugova.
Hyseni tha se Merovci është një nga njerëzit që sipas tij përpiqet t’ia qëllojë kur flet për Rugovën.
“Unë preferoj që të mos merrem me këtë emrin që ju e përmendet. Sepse mbase edhe ai hyn në mesin e atyre që shpesh herë flasin duke u përpjekur të ia qëllojnë”, tha Skënder Hyseni mbrëmë, duke iu referuar Merovcit.
Për këtë deklaratë, Merovci tha se s’ka njëherë një përgjigje, por që do të ketë një reagim.
“Nuk dua të flas për portale, flas kur të më ftoni në emision, aty do të përgjigjem për atë deklaratë”, tha shkurt Merovci, për express.
Ndryshe, Hyseni përmes një statusi në rrjete sociale kishte shkruar se është i indinjuar pas deklarimeve rreth qëndrimeve të ish-presidentit Ibrahim Rugova rreth hapjes së frontit të jugut dhe për Rambujenë./Sinjali