Minsitrja e Punëve të Jashtme, Donika Gërvalla, duket se ka lënduar ndjenjat e një pjese të akterëve të Ushtrisë Çlirimtare (UÇK) pas urimit të bërë për ditën e Çlirimit, e që ka të ngjarë nuk lidhet aq me atë urim sa me historinë e saj të deklaratave për UÇK-në.
Shumë deklarata të saj të mëparshme kanë shkaktuar bujë të madhe në rrjetet shoqërore të Internetit. Një e tillë ishte edhe zotimi se do të dërgonte dosje në Hagë kundër ish krerëve të UÇK-së, z. Thaçi e z. Veseli, që tashmë ndodhen të paraburgosur në Hagë.
Por, Gërvalla në lidhje me UÇK-në ishte përfshirë edhe në një debat tjetër mjaft të çuditshëm. Bëhej fjalë për një skeç të bërë nga STUPCAT e ku portretizoheshin në mënyrë jo aq të këndshme ish luftëtarët e UÇK-së.
Duke cituar humoristët kosovarë, ajo sulmon ata që i quan “hajna e kriminelë” në luftën tonë çlirimtare.
“Ky debat i nxitur nga Stupcat i bën mirë shoqërisë sonë, së cilës e vërteta i nevojitet si ajri që thithim. Nuk mund të futen në një thes heronjtë dhe hajnat, thonë Stupcat dhe kanë shumë të drejtë. Shoqëria jonë duhet të çlirohet prej tyre, dhe kjo do të ndodhë së shpejti. Kosova do të marrë frymë më lirë kur të marrin dënimin e merituar për veprat e tyre kriminale ata që shumëkush i mendoi heronj e u bënë hajna.” – shkruante znj. Gërvalla.
S T A T U S I I P L O T Ë:
