Janë ekzekutuar sot pagesat e shtesave prej 100 euro për punëtorët e sektorit privat.
Një gjë të tillë e ka konfirmuar ministri i financave Hekuran Murati përmes një shkrimi në rrjetin social facebook.
“Kam kënaqësinë t’ju njoftoj se sapo është kryer pagesa e shtesës prej 100 euro për rreth 210 mijë të punësuar dhe 10 mijë të vetëpunësuar të sektorit privat (atyre që nuk marrin paga nga buxheti i shtetit. Praj gjithsej 220 mijë persona sot do të pranojnë në llogaritë e tyre shtesën prej 100 euro”, ka shkruar Murati.
“Janë mbetur edhe aplikantët e lajmëruar në mars e që nuk kanë qenë të lajmëruar në shkurt, për të cilët pagesa do të kryhet në muajin qershor, me kusht që vazhdojnë të jenë të deklaruar si punëtorë për së paku tri periudha tatimore (mars, prill, maj) nga punëdhënësi. Qeveria është në anën e qytetarëve!”, ka shtuar ai.
Një ditë më parë në mbledhjen e ekzekutivit janë ndarë 35 milion euro për këto shtesa. Sipas ministrit, shumë shpejt do të ekzekutohen edhe shtesat për studentët. /Gazetasinjali