Dogana e Kosovës konfirmon arrestimin dhe suspendimin e dy zyrtarëve doganorë në Rajonet e Gjakovë s dhe Prizrenit.
Ata u arrestuan gjatë operacionit “Pika” të Inspektoratit Policor të Kosovës për dyshimet se kanë kryer veprat penale si ‘mitmarrje’ dhe ‘shpërdori i detyrës apo autoritetit zyrtar’.
Në komunikatën për media, Dogana shprehet mirënjohësë ndaj punës së IP për hetimin e rastit dhe bashkëpunimin e rregullt që ka me IP, Policinë dhe institucionet tjera ligjore.
“Dogana e Kosovës është mirënjohëse ndaj punës së Inspektoratit Policor në hetimin e këtij rasti
dhe do të vijoj me bashkëpunim të rregullt me Inspektoratin, Policinë dhe Insititucionet tjera
të zbatimit të ligjit brenda dhe jashtë vendit”, thuhet në komunikatën e Doganës.
Prandaj, Drejtori i Përgjithshëm i Doganës ka suspenduar menjëherë të dy zyrtarët e arrestuar dhe do të fillojë me procedimin administrativ disciplinor.
“Dogana e Kosovës thekson se do të vazhdojë bashkëpunim me autoritetet kompetente për të ushtruar kontrolla në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës”, përfundon komunikata