Kandidati i Lëvizjes Vetëvendosje për kryetar të Komunës së Prishtinës ka ushtruar të drejten e tij të votës. I shoqëruar nga bashkëshortja e tij, Vitia votoi në qendrën e votimit në shkollën “Ali Sokoli”.
“Sapo shfrytëzova të drejten e votes këtu në shkollën “Ali Sokoli”… Sot vendoset fati i kryeqytetit tonë ndaj është shumë e rëndësishme që secila dhe secili të marrin pjesë në procesin e votimit andaj bëj ftesë masivisht që të gjithë bashkëqytetarët tanë të dalin në votim”, ka thënë Vitia për mediat.
Sot, në 21 komuna të vendit, është duke u votuar për raundin e dytë të zgjedhjeve.
Qendrat e votimit janë hapur për votuesit që në orën shtatë të mengjesit, teksa do të jenë në dispozicion deri në ora 19:00.