Shkencëtari i shquar kinez Yuan Longping, i njohur për zhvillimin e varieteteve të para të orizit hibrid, vdiq në moshën 90-vjeç, njoftoi media shtetërore.
“Babai i orizit hibrid” kinez vdiq dje në një spital në Changshi, Provinca Hunan. Agronomi, i lindur në Pekin në shtator 1930, konsiderohet si një hero kinez.
Të mbjellat e para të orizit hibrid, të zhvilluara në fillim të viteve 1970, ishin të nevojshme për të ushqyer një të pestën e popullsisë në vetëm nëntë për qind të tokës së punueshme të Kinës.
Ai më vonë zhvilloi varietete edhe më produktive që në mënyrë të përsëritur thyen rekorde – nga 10 tonë rendiment për hektar në 2000 në më shumë se 15 ton në 2014. Orizi hibrid është rritur që nga e gjithë bota dhe ofron siguri më të madhe ushqimore në shumë vende.
Juan iu përkushtua zhvillimit të orizit hibrid pas urisë së madhe të viteve 1960 dhe deklarata “se presidenti Mao nuk studioi me të vërtetë bujqësi” e futi në telashe me partinë, por që e kapërceu me sukses.
Ai është fituesi i medaljes më prestigjioze kineze, për kontributin e tij në sigurinë ushqimore të vendit, zhvillimin shkencor të bujqësisë dhe rritjen e prodhimit global të ushqimit.
Ai u zgjodh gjithashtu si bartësi i parë i pishtarit në Lojërat Olimpike të Pekinit 2008./KP