​Dukagjini-Llapi, finalja e madhe e Kupës së Kosovës

- in Sport

Sot me fillim nga ora 20:45 do të zhvillohet finalja e madhe e Kupës së Kosovës mes Dukagjinit dhe Llapit, në Prishtinë në stadiumin “Fadil Vokrri”.

Në rrugëtimin e tyre drejt finales, Dukagjini e mposhti në gjysmëfinale skuadrën e Istogut me rezultat 3:0, ndërsa Llapi pas dy ndeshjeve me Prishtinën, i eliminoi kryeqytetasit me rezultat të përgjithshëm 5:4, përcjell KosovaPress.

Fituesi i sotëm i Kupës së Kosovës do të siguroj biletën drejt garave evropiane për sezonin e ardhshëm.

Gjyqtarët që do ta ndajnë ndeshjen e sotme mes Dukagjinit dhe Llapit janë Genc Nuza si gjyqtar kryesor, ndërsa asistentët e tij do të jenë Fatlum Berisha e Bujar Selimaj, dhe gjyqtari i katërt është Selim Isufi.

20:45 Dukagjini – Llapi (Stadiumi Fadil Vokrri)/KP