Deputeti i Partisë Demokratike të Kosovës (PDK), Bekim Haxhiu, ka vazhduar kritikat ndaj Qeverisë Kurti për të siguruar vaksinat anti-COVID. Ai tha se nëse ata nuk janë të zot për ta siguruar le të hapin rrugë, pasi sipas tij ka shumë njerëz që dinë të punojnë dhe të sigurojnë vaksinën.
Haxhiu tha se prej ditës kur është votuar qeveria Kurti janë 435 qytetarë që kanë humbur betejën nga COVID-19 dhe se deklarimi i qeverisë se do t’i siguroi vaksinat shumë shpejt tha se po shkon shumë ngadalë.
Haxhiu: Nëse nuk jeni të zot me siguru vaksina, hapni rrugën
“Ajo shumë shpejt është shumë ngadalë, është humbje e jetëve për qytetarët e Republikës së Kosovës. Të nderuar, nëse nuk jeni të zot me siguru vaksina, nëse nuk jeni të zot me udhëheq, hapni rrugë. Ka njerëz që dinë të punojnë dhe munden ta sigurojnë vaksinën, edhe ata i keni mohuar edhe parakontratat”, tha ai.
Deputeti Haxhiu tha se duhet forca e të gjithëve për të siguruar vaksinat për të mirën e qytetarëve të Kosovës./KP
