Kryeministri i Kosovës, Albin Kurti ka hedhur votën e tij në zgjedhjet që po mbahen këtë të diele në Shqipëri.
Eugen Cakolli i KDI-së ka thënë se është e papranueshme që kryeministri i Kosovës, Albin Kurti, ka votuar në zgjedhjet parlamentare në Shqipëri sot.
Madje ai shkruan se kur dikush në cilësinë e qytetarit të thjeshtë voton në zgjedhjet e një vendi tjetër është deri diku e pranueshme.
“Kur dikush në cilësinë e qytetarit të thjeshtë, voton në zgjedhjet e një vendi tjetër, është deri diku e pranueshme. Por, kur qytetari është dikush që mbart pozitë politike, e madje pushtet ekzekutiv, kjo s’është aspak në rregull. E kur qytetari rastis të jetë kryeministër, që përfaqëson edhe platformë politike për zgjedhjet në vendin tjetër, kjo e bën situatën të papranueshme”, ka shkruar Cakolli në Facebook./KP