Ministri i Jashtëm gjerman Heiko Mass ka treguar arsyen e vizitës së tij sot në Prishtinë dhe nesër në Beograd.
Ai në një postim në Twitter shkruan se vizitat kanë të bëjë me çështjen e procesit të vaksinimit në Ballkanin Perëndimor.
“Askush në Evropë nuk mbetet i paprekur nga suksesi dhe dështimi i fqinjëve të saj. Fakti që tani mund të ndajmë progresin e vaksinimit në BE me vendet e Ballkanit Perëndimor është një moment kyç në luftën kundër virusit. Kjo është arsyeja pse unë jam në Prishtinë dhe Beograd sot dhe nesër”, ka shkruar Mass.
Ndryshe, Kosova është vendi me progresin më të dobët sa i përket vaksinimit, me vetëm 24 mijë doza./KP