Gjatë protestës që është duke u mbajtur në Moskë, në mbështetje të opozitarit të arrestuar rus, Alexei Navalny, policia ruse ka arrestuar gruan e Alexei, Yulia Navalny.
Yulia Navalny është arrestuar gjysmë ore, pasi ka njoftuar se i është bashkangjitur protestuesve në Moskë. Yulia si duket ka qenë nën përcjellje të shërbimeve ruse, pasi që në momentin e arrestimit ajo kishte kapelë dhe maskë në fytyrë dhe ishte shumë vështirë që të identifikohej.
Përpos ankesave për arrestim të protestuesve nga policia, ka ankesa edhe në ndërprerje të internetit dhe aplikacioneve të komunikimit si Facebook, Instagram dhe You Tube.
Ka zëra që thonë se problemet me internet dhe aplikacionet e komunikimit, si duket kanë si qëllim krijimin e territ informativ, me qëllim të mos pasqyrimit në kohë reale të zhvillimeve që kanë të bëjnë me protestën dhe arrestimin e protestuesve. /RTK