Porsche 911 Carrera RSR 3.0 i vitit 1974, dikur në pronësi të lordit kolumbian të drogës Pablo Escobar, doli në treg me një çmim prej 2.2 milion dollarë.
Vetura kult Porsche u krijua dhe u ndërtua për garën amerikane IROC (Gara Ndërkombëtare e Kampionëve) në vitin 1974, ku drejtohej nga ish-shoferi i Formula 1 Emerson Fitipaldi.
Pas përfundimit të serisë për të cilën u bënë vetëm 15 kopje, makina e Fitipaldi u ble nga Roger Penske, një sipërmarrës amerikan në gara profesionale makinash dhe dikur një garues dhe pronar i një ekipi si Team Penska, DJR Team Penska …
Makina, e cila tani është për shitje, megjithatë, përfundoi disi në Kolumbi në fund të viteve 1970, në pronësi të lordit famëkeq të drogës kolumbiane Pablo Escobar.
Shumë mund të mos e dinë, por Pablo Escobar ka marrë pjesë në shumë gara makinash. Për shembull, “El Capo” mori pjesë në Kupën Popullore Kolumbiane Copa Renault 4, ku pas gjashtë garash zuri vendin e dytë.
Makina që ai garonte shpesh ishte gjithashtu një Porsche 911 RSR konkrete nga 1974, por që u ridizajnua në variantin “Slantnose” në stilin e Porsche 935, me ngjyrat karakteristike të “Martini racing”.
Kjo makinë me një histori interesante dhe një pronar edhe më interesant tani po shitet nga tregtari Atlantis Motor Group nga Florida (SHBA). Kulti 911 RSR 3.0 qëndronte në një depo pas vdekjes së Escobar në vitin 1993 dhe u kthye më pas në Shtetet e Bashkuara në vitet 2000, ku u restaurua profesionalisht dhe u rikthye në gjendjen origjinale. Makina vjen me dokumentacion origjinal nga Volkswagen USA, Penska Productions dhe North Lake Porsche.
Motori garues 3.0-litërsh i ftohur në ajër në variantin 911 RSR 3.0 1974 arriti 321 kuaj fuqi dhe kushtoi dy herë më shumë sesa prodhimi më i fuqishëm Porsche 911 2.7 RS i kohës. Ishte një model dhe makinë serioze konkurruese që dominoi kategorinë GT dhe fitoi gara në të gjithë botën. Që kur makina u restaurua, ajo ka përshkuar vetëm 362 kilometra/KosovaPress