Sonte rreth orës 18:00 është raportuar për një rast vjedhje të ndodhur në një market në rrugën “Bill Clinton” në Prishtinë.
Lajmin për KosovaPress e ka konfirmuar Flora Ahmeti, zëdhënëse e policisë rajonale për Prishtinë.
“Pas marrjes së informacionit, policia ka dalë në vendngjarje dhe bazuar në të dhënat e para janë ngritur dyshimet se vjedhja është kryer nga dy të dyshuar të cilët kanë ikur nga vendi i ngjarjes. Aktualisht, policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”, ka thënë Ahmeti./KosovaPress