“Do të më duhet ndoshta të qëndrojë pak më shumë se zakonisht, kështu që ju do të mund ta bëni pyetjen se kur do të kthehet.”
Kryeministri i Kosovës, Albin Kurti, para dhjetë (10) ditëve ka filluar vizitën e tij zyrtare në Shtetet e Bashkuara të Amerikës [SHBA]. Deri më tani, Kurti nuk ka zhvilluar ndonjë takim më udhëheqës të lartë nga Shtëpia e Bardhë, por përflitet se mund të takohet me zëvendës-Presidenten amerikane Kamala Harris.
Kaluan 10 ditë që prej se Kurti udhëtoi për në Amerikë. Kurti atje bëri vizita në korporatat e njohura të biznesit, teknologjisë dhe Inovacionit.
I pari i Ekzekutivit u shfaq herë pas herë edhe me disa video një nga ura e San Franciskos dhe një herë tjetër në aeroplan rrugës për në Iowa.
Në krejt këto dhjetë ditë, të parin takim, Kurti e regjistroi me datën 6 maj. Përmes rrjetit social “Twitter” konfirmoi takimin, të cilin Kurti e quajti të frytshëm me shefen e MCC-së, Alice Albright.
Shefi i ezkekutivit shtoi se u ndje i nderuar që u takua me Albright, teksa e falënderoi për projektin e investimit në Kosovë, investim ky që pritet të jetë më i madhi i energjisë.
“Një nder i veçantë që takova MCC_CEO, znj. Alice Albright dhe nisjen e negociatave të Kompaktit të Kosovës. E falënderova për punën e palodhshme të MCC-s për të mundësuar Kompaktin, që do të bëhet investimi më i madh në sektorin e energjisë dhe rikonfirmon lidhjen e ngushtë që ndajnë vendet tona”, shkroi ai.
Takimin tjetër e shënoi në Silicon Valley të Kalifornisë, zona e rëndësishme e inovacionit teknologjik në ShBA.
Kurti vizitoi edhe kompanitë, Linkedin, Airbnb, Microsoft dhe Uber. Ku për këto vizita, Kurti u kritikua në Kosovë.
Kryeministri i Kurti u takua edhe me investitorë, akademikë e profesionistë në Këshillin për Çështje Botërore të Dallasit.
Gjithashtu, Kurti pati një takim edhe me lobin shqiptaro-amerikan, i cili është aktivë në politikën amerikane. Ai atje ka takuar bashkatdhetarët që jetojnë e punojnë në këtë shtet.
“Vëmendja e veçantë e Qeverisë për mërgatën është reflektuar edhe në Programin Qeverisës, tha kryeministri, ndërsa përmendi nismat e qeverisë për një program nacional për transferim të dijes dhe përvojës nga mërgata në Kosovë, strategji të re për diasporën, projektligj të ri. Ai theksoi se nëpërmjet nismës së dialogut me mërgatën synohet zhvillimi i partneriteteve me mërgatën dhe thellimi i bashkëpunimit të tyre me institucionet e Kosovës në fushat e arsimit, investimeve dhe inovacionit.”, citohet të ketë thënë Kurti sipas njoftimit të Zyrës së Kryeministrit.
Në këtë takim, Kurti bëri edhe një deklaratë për ish-krerët e UÇK-së që gjenden në paraburgim në Hagë.
Kurti u tregua i gatshëm të vizitojë Hashim Thaçin, Kadri Veselin, Rexhep Selimin, Jakup Krasniqin dhe të tjerët në rast e një gjë e tillë konsiderohet e nevojshme.
“Tash e ka marrë për barrë Ministria e Drejtësisë aspektin e vizitave, por nëse e konsiderojmë bashkërisht, mund të shkojmë, absolutisht, nuk ka kurrfarë problemi për këtë, sepse Tribunali i Hagës, EULEX-i, UNMIK-u, që të gjithë këta shkuan, e tash e kemi edhe një Gjykatë Speciale, e cila i ka që të gjithë shqiptar aty brenda. Kjo është brengë e imja, jo veç si aktivist politik i moçëm e qytetar republike, por para së gjithash si kryeministër i Qeverisë së Republikës së Kosovës”, deklaroi Kurti në ShBA.
Ndërkaq në ditën e dhjetë, pra e diel 15 maj, Kurti u nderua me medalaje nga shteti i Iowas.
Në një ceremoni, Kurti u dekorua me medaljen e Shërbimit të Jashtëm të Shquara.
Ndërkohë Kurti tentimet për të shkuar në Amerikë i kishte filluar muaj më parë por për shkaqe ‘logjistike’ siç thoshte ai, vizita u detyrua të fillonte me 6 maj.
Në një konferencë për media, kur u pyet se kur do të shkonte në ShBA, Kurti kishte thënë se do të pyesim se kur do të kthehet.
“Edhe unë jam i interesuar të shkojë, dhe kjo do të ndodhë në këtë pranverë. Jo që do të shkoj por edhe do të kthehem. Do te shkoje të qëndrojë me gjatë se sa ne shtetet e BE-së. Do të më duhet ndoshta të qëndrojë pak më shumë se zakonisht, kështu që ju do të mund ta bëni pyetjen se kur do të kthehet”, kishte thënë Kurti më 9 mars.
Ndryshe Kurti prej Amerikës, mblodhi kabinetin e tij, ku mori vendim që Kosova të aplikojë për anëtarësim në Këshillin e Evropës.
Po ashtu, Kurti prej atje nuk harroi ‘counter-strike’ pasi u shfaq me fanelë të ekipit kosovar BNE të cilët po marrin pjesë në garën më prestigjioze të CS:GO.
Ndryshe, përveç Kurti në Amerikë për vizitë ishte edhe presidentja Vjosa Osmani dhe disa deputetë të partive politike.
Kryeministri është kritikuar për agjendë të zbehtë vizitash nga opozita e vendit./Nacionale