Bordi i përkohshëm ka shkarkuar sot kryeshefin ekzekutiv të Postës së Kosovës, Xhevdet Smakiqi. Këtë për KosovaPress e ka konfirmuar vet Smakiqi, derisa tha se do të bëjë padi për ta kundërshtuar këtë vendim.
“Po e vërtetë është, në mbledhjen e parë ose në takimin e parë të bordit të përkohshëm i cili është emëruar në fund të majit, edhe ende besoj që nuk e ka parë laminatin e Postës”, tha ai.
Smakiqi tha se gjykata do ta vërtetojë se zgjedhja e tij në krye të Postës së Kosovës ka qenë e ligjshme, derisa shtoi se kompensimi prej 100 mijë euro ndaj tij do të ndodhë.
“Do të bëjë padi në gjykatë ndaj ndërmarrjes që punojë me keqardhje. Ju thash mos më detyroni në këtë pikë sepse nuk mundesh me më mat performancën dhe kam kontratë të rregullt, sekretari Faton Ejupi në detyrë iu shpjegoj se çdo gjë ka qenë e ligjshme edhe atëherë kur i ka rekomanduar bordit, edhe tash, por ata nuk e morën në shqyrtim vlerësimin e sekretarit dhe pasojat i bartë Posta e Kosovës. Ata kanë me shkruar diçka se nuk munden pa shkruar, por gjykata do të vërtetojë që zgjedhja ime ka qenë e ligjshme dhe kompensimi im rreth 100 mijë euro të kontratës do të ndodhë”, tha ai./KP