Kryetari i Komunës së Obiliqit, Xhafer Gashi, së bashku me bashkëshorten e tij Aferditën, kanë përfunduar obligimin e tyre qytetar, duke votuar në qendrën e votimit në shkollën e fshatit Dardhishtë.
Kryetari Gashi ka bërë thirrje gjithë qytetarëve që të dalin të votojnë edhe përkundër motit me temperatura të ulëta, duke theksuar se me votën e tyre përcaktojnë të tashmen dhe të ardhmen e përbashkët për një Kosovë të sigurt e të zhvilluar.
Postimi i plotë:
Me bashkëshorten time Aferditën, sapo përfunduam obligimin tonë qytetarë. Pavarësisht temperaturave të ulëta, ftoj të gjithë qytetarët që të dalin të votojnë duke shfrytëzuar të drejtën kushtetuese dhe me votën e tyre të përcaktojnë të tashmen dhe të ardhmen tonë të përbashkët për një Kosovë të sigurt e të zhvilluar./KosovaPress