Raportuesja për Kosovën në Parlamentin Evropian Viola Von Cramon tha sot se Këshilli i Bashkimit Evropian duhet që të heqë vizat për Kosovën sa më shpejt që të jetë e mundur.
Në debatin për raportin e progresit për Kosovën, Shqipërinë, Serbinë dhe Maqedoninë Veriore në PE, Viola Von Cramon tha se është koha e fundit që Këshilli i BE-së të liberalizojë vizat për Kosovën.
Viola von Cramon: Nëse nuk heqim vizat për Kosovën do ta humbasim kredibilitetin
Video
11:27:20 – 11:27:55
“Njerëzit në Kosovë më impresionojnë me dëshirën e tyre për të qenë pjesë e BE-së, në fakt asnjë shtet në rajon nuk shfaq qëndrim më të fortë për BE-në sesa Kosova, por ky fakt nuk mund të merret përgjithmonë si i mirëqenë nëse nuk përmbushim detyrimet tona, ne humbim kredibilitetin dhe besimin, është koha e fundit që Këshilli i BE-së për të dhënë premtimin e tij për liberalizimin e vizave. Unë ndaj frustrimin e qytetarëve të Kosovës, unë do të dëshiroja që Parlamenti Evropian do të mund të vendoste për këtë çështje”, tha Viola Von Cramon.
Ajo shprehu edhe shqetësimin e saj për shkak të mos furnizimit të Kosovës me vaksina kundër koronavirusit.
Viola von Cramon: Kosova të furnizohet sa më shpejt që të jetë e mundur me vaksina
Video
11:27:56 – 11:28:17
“Një tjetër çështje është mungesa e furnizimit të Kosovës me vaksinat (COVID-19). Kapaciteti i prodhimit në BE po rritet dhe kjo duhet të shfrytëzohet që të furnizohet edhe Kosova sa më parë që është e mundur BE-ja duhet të përkrahë vaksinimin e shpejtë të personelit mjekësor dhe grupeve tjera më të ndjeshme”, tha ajo.
Raportuesja për Kosovën tha se Prishtina zyrtare nuk duhet ta braktisë procesin e dialogut, pasi që njohja reciproke mes Kosovës dhe Serbisë është parakusht për anëtarësimin e të dyja vendeve në Bashkimin Evropian.
Viola von Cramon: Kosova ta vazhdojë dialogun me Serbinë
Video
11:30:06-11:30:38
“Kuvendi i ri dhe qeveria duhet të gjejë gjuhën e përbashkët dhe të zgjedhë presidentin e ri. Sa i përket dialogut Kosovë-Serbi, qeveria e re të vazhdojë dialogun, pavarësisht vështirësive Kosova duhet që të mbetet e përkushtuar që të punojë me BE-në rreth dialogut dhe mos ta braktisë dialogun. Njohja reciproke mes Kosovës dhe Serbisë është parakusht që dy vendet të anëtarësohen në Bashkimin Evropian”, tha Viola Von Cramon./kp