Ish-deputetja e Partisë Demokratike të Kosovës Besa Ismaili ka uruar Vjosa Osmanin me rastin e zgjedhjes për shefe të re të shtetit të Kosovës.
Ajo në një postim në Facebook ka shkruar se konsolidimi i institucioneve është e rëndësishme për shtetin e Kosovës, teksa ka edhe një porosi për të parën e vendit.
“Pas urimit për Vjosa Osmanin, të cilës i dëshiroj punë të mbarë dhe të drejtë, rikthehem me vëmendje të plotë te puna që na pret, opozitarizmi dhe amaneti i strukturave që kam përfaqësuar dhe do të përfaqësoj, PDK-së. JO nëpërkëmbje për të kaluarën e lavdishme të UÇK-së dhe mbrojtje e dinjitetit për çlirimtarët. JO rishkrim të historisë! JO pushtete të pa balancuara, të një goje! JO përkeqësim të raporteve me Shtetet e Bashkuara të Amerikës”, ka shkruar Ismaili./KP