Premier Liga angleze e ka konfirmuar që tifozët e ekipit mysafirë nuk do të lejohen brenda në stadium, në dy xhirot e fundit të sezonit 2020/21.
Me masat e reja në Britaninë e Madhe, që nga 17 maji në stadium do të lejohen 10,000 tifozë për të shikuar ndeshjet e mbetura, përcjell KosovaPress.
Sidoqoftë, tifozët mysafirë nuk do të lejohen që të hynë brenda në stadiumi, një vendim i marrë ky për arsye që mos të ketë rritje të rasteve me Covid-19.
Përmes një komunikate zyrtare, Premier Liga e konfirmoi lejimin e tifozëve në stadiume, ku edhe u mësua që sezoni 2021/22 do të filloj edhe me fansat mysafirë.
“Premier Liga e ka konfirmuar javën e kaluar që ka ndërruar orarin e ndeshjeve në dy xhirot e fundit, për t’ia mundësuar çdo ekipi që një ndeshje në shtëpi ta zhvillojnë me tifozë në stadium. Xhiro e 37 do të fillojë me datë 18 dhe 19 maj, respektivisht të martën dhe të mërkurën, dhe ndeshjet e xhiros së fundit të zhvillohen me 23 maj me fillim nga ora 17:00, ashtu siç ishte planifikuar”, shkruante në komunikatën e Premier Ligës.
“Tifozët i kanë munguar shumë Premier Ligës angleze, dhe inkuadrimi i tyre në stadiume është një hap tejet i madh, ku me fillim të sezonit të ri 2021/22 do të përfshihen edhe fansat e ekipeve mysafire”, shkruante më tej në komunikatë./KP