Ish-deputetja e Kuvendit të Kosovës, Melihate Tërmkolli ka reaguar rreth pjesëmarrjen e përfaqësuseve të Vetëvendosjes dhe kreut të saj, Albin Kurti në zgjedhjet në Shqipëri.
Tërmkolli ka krahasuar kryeministrin e Kosovës, Albin Kurti me Aleksandër Vuçiq.
Sipas Tëmrkollit, Kurti me pjesëmarrjen e tyre në zgjedhjet në Shqipëri po veprojnë njësoj si Vuçiqi me Listën Serbe në Kosovë.
Tërmkolli shkruan se Kurti, direkt apo indirekt po legjitimon shkeljen e sovranitetit të Kosovës nga Serbia.
“VV-ja në zgjedhjet e Shqipërisë. Kryeministri i Kosovës, z. Albin Kurti dhe partia e tij, VV-ja, me pjesëmarrjen e tyre në zgjedhjet në Shqipëri po veprojnë njësoj si Vuçiqi me Listën serbe në Kosovë. Kryeministri Kurti, direkt apo indirekt po legjitimon shkeljen e sovranitetit të Kosovës nga Serbia. Është filli i një rreziku dhe dëmi të madh shtetëror për Kosovën”, ka shkruar Tërmkolli në “Facebook”./KP