Shefi i grupit parlamentar të Partisë Demokratike të Kosovës (PDK), Abelard Tahiri është përplasur me zëvendëskryeministrin e Kosovës, Besnik Bislimi.
Gjatë seancës së sotme, Tahiri duke kritikuar kryeministrin Albin Kurti për takimin e nesërm në Bruksel me krerët e rajonit, tha se ai nuk duhet të shkojë pa kërkuar falje Serbia. Por aty, i reagoi prej vendit të tij, zëvendëskryeministri Bislimi duke i thënë pse po rren.
Tahiri: S’të ka hije, je zëvendëskryeministër me thënë pse po rren, ndalu mbylle
Video:
“Nesër e ki darkën edhe me Vuçiqin edhe me të tjerët. Pas dy jave e ki takimin, pse po shkon. Pse po shkon pa kërkuar falje, mos shko. Nuk të ka hije, je zëvendëskryeministër me thënë pse po rren. Ndalu aty mbylle”, tha ai.
Qetësi pas këtij debati kërkoikryetari i Kuvendit, Glauk Konjufca.
“Qetësi ju lutem”, tha ai.
Lidhje me këtë reagoi edhe shefi i grupit parlamentar të Lidhjes Demokratike të Kosovës (LDK), Arben Gashi, i cili tha se Bislimi vazhdimisht po bënë zhurmë duke ofenduar secilin që po del në foltore.
Gashi: Keni ulë afër zëvendëskryeministrin, i cili po bënë zhurmë duke ofenduar
Video:
“Zotëri kryeministër e keni ulë afër zëvendëskryeministrin, i cili po bënë zhurmë. Çdo kush që po flet po mundohet me ia lëshu ndonjë fyerje, sharje. Të kisha lutë që kur të shkon në perëndim se cili është vlerësimi për atë. Ose vetni këta njerëz këtu se çka mendojnë njerëzit për të”, tha ai.
Krahas këtyre, shefi i grupit parlamentar të PDK-së, Abelard Tahiri pyeti kryeministrin Kurti se pse nuk po e shkarkon ministrin Liburn Aliu, i cili ka aktakuzë aktive.
Tahiri: Pse nuk po e shkarkon Liburn Aliun është me aktakuzë
Video:
“Pse nuk po e shkarkon Liburn Aliun është me aktakuzë. Pra nuk është mirë, për imazh të Kosovës është keq. Pse s’po e shkarkon derisa vjen një moment kur gjykata e jep verdiktin është i pafajshëm e kthen, është i fajshëm e largon. Mos i kontribuo më shumë dëmtimit të imazhit të Kosovës sepse është një kritik që vjen nga BE që njerëzit me aktakuza nuk munden me drejtuar ministri. Largo, mos e le më tutje, mos i bo gabimet që i kemi bërë ne”, tha ai./KP