Shefi i Grupit Parlamentar të AAK-së, Besnik Tahiri, në seancën e sotme parlamentare ka kritikuar Qeverinë Kurti për mungesë të programit qeverisës.
Deputeti Tahiri kërkoi nga Qeveria Kurti të mos bëj eksperimente me pandeminë dhe siç tha të largojnë logjikën e arrogancës.
Tahiri: Kemi hyrë në muajin e dytë të qeverisjes Kurti, dhe nuk ka program
“Kemi hyrë në muajin e dytë të qeverisjes Kurti, një qeveri e cila për çudi për të gjithë është duke qeverisur pa program qeveritar. Sot kur po e nisim një seancë ku do të debatohet për pandeminë dhe për zhvillimin ekonomik Qeveria Kurti dhe ministrat që udhëheq ky kryeministër nuk kanë arrit të paraqesin tri objektivat para qytetarit se cilën veç e veç. Në mungesë të këtij programi shumë qartë dhe saktë që gjithë puna është ad-hoc. Gjithë puna ndodhë nga çka i shërbehet kryeministrit, ministrave në tavolinë. Është e pa justifikueshme që për 40 ditë që nga 14 shkurti kur përfunduan zgjedhjet po bëhen katër muaj e të mos kemi një dokument me të cilin ju i adresoheni qytetarëve”, tha ai.
Tahiri ngriti edhe çështjen e dialogut, për çka tha se kryeministri Kurti ka lëvizur edhe prioritetet e qeverisë, duke vendosur dialogun në rend të parë pasi kishte premtuar se do të jetë prioritet i 6.
Po ashtu Tahiri kritikuar kryeministrin Kurti për votimin e djeshëm në Shqipëri.
Tahiri: Po e lëvizni dialogun nga pika e 6 në pikën e parë
“Në mungesë po i lëvizni prioritetet, po e lëvizni dialogun nga pika e 6 në pikën e parë dhe po thoni do të shkojë në Bruksel dhe pastaj do të bëj një program qeveritar. Kërkesa ime për ju kryeministër Kurti dhe për qeverinë që ju e udhëhiqni, është mos bëni eksperimente në radhë të parë me çështjen pandemisë, e keni mbyll për 12 ditë, i kemi humbur me dhjetëra milionë pa asnjë efekt… Ju lus që ta largoni logjikën e arrogancës. Votimi i djeshëm në Tiranë nuk mendoj se e ka forcuar demokracinë në Shqipëri, nuk mendoj se i ka bërë ndonjë ‘hair’ Kosovës, vetëm sa e ka forcuar argumentin nga vendet kundër mosnjohje nga armiqtë e këtij vendi”, tha Tahiri. /KP