Ministri i Punëve të Brendshme Xhelal Sveçla priti sot në një takim njoftues komandantin e KFOR-it, gjeneral majorin Franco Federici, të cilin e falënderoi për bashkëpunimin dhe mbështetjen që KFOR-i i ka ofruar vazhdimisht Kosovës dhe theksoi rëndësinë që ky mision ka në sigurinë e vendit.
Sveçla gjithashtu njoftoi kreun e KFOR-it lidhur me prioritet e Ministrisë së Punëve të Brendshme, si luftimin dhe parandalimin e krimit dhe korrupsionit, rritja e integritetit institucional, si dhe rritjen e sigurisë për të gjithë qytetarët e Kosovës.
Në fund të takimit, të dy bashkëbiseduesit theksuan se mbështetja e ndërsjellë ndërmjet Ministrisë së Punëve të Brendshme dhe KFOR-it është shumë e mirë dhe shprehën gatishmërinë që ky bashkëveprim të vazhdojë edhe më tej./KP