Bisedimet e kontratës së Milanit me Hakan Calhanoglu kanë ngecur dhe Juventusi thuhet se po konsideron një transferim falas për lojtarin turk këtë verë.
“Sky Sport Italia” raporton se mesfushori sulmues turk ende nuk ka arritur një marrëveshje me Milanin, i cili ofron një marrëveshje të re me vlerë 4 milionë euro në sezon.
Lojtari thuhet se dëshiron 5 milionë euro në vit pa shpërblime, por “Rossonerët” nuk po e rrisin ofertën e tyre, përcjellë KosovaPress.
Nëse Calhanoglu nuk nënshkruan një marrëveshje të re, ai mund të largohet nga “Diavolo” në një transferim falas këtë verë dhe transmetuesi pretendon se Juventusi po konsideron t’i ofrojë ish-lojtarit të Bayer Leverkusenit një sfidë të re në “Allianz Stadium”.
Por Arsenali dhe Chelsea thuhet se po ndjekin situatën në “Milanello” dhe mund të futen në ndjekje të nënshkrimit të lojtarit./KP