Dy granata dore dyshohet se kanë shpërthyer në zonën rreth një hoteli në lagjen “Kodra e Trimave”, në Prishtinë.
Policia thotë se rasti ka ndodhur rreth orës 22:00 në rrugën “Asllan Pireva” në Prishtinë.
Sipas informatave, përveç demeve materiale nga shpërthimi s’ka të lënduar.
Policia e Kosovës ka dalë në vendin e ngjarjes dhe po merret me rastin.
“Policia ka dalë në vendin e ngjarjes, me ç’ rast ka ndërmarrë të gjitha veprimet e nevojshme, të sigurisë si dhe ato hetimore-ekzaminuese. Informacionet e para flasin për shpërthimin e dy mjeteve shpërthyese të cilat fatmirësisht nuk kanë shkaktuar pasoja në njerëz përveç dëmeve materiale. Aktualisht të gjitha njësitë e nevojshme policore për të menaxhuar me situatën dhe hetuar rrethanat e rastit janë në vendin e ngjarjes dhe po kryejnë veprimet e duhura policore”, ka thënë zëdhënësi i policisë për rajonin e Prishtinës, Agron Borovci.
Ndërkohë, njësitet e policisë janë duke kontrolluar edhe oborret private për ndonjë dëshmi eventuale./KP