Sipas rezultateve preliminare të Komisionit Qendror të Zgjedhjeve (KQZ), Lista Serbe në zgjedhjet parlamentare të 14 shkurtit ka marrë 43.746 vota ose 5.56 për qind.
Përkrahja për partinë e mbështetur nga presidenti serb Aleksandar Vuçiq, ka shënuar rënie për gati një për qind ose 10.115 vota në krahasim me zgjedhjet parlamentare 2019, kur ky subjekt politik mori 53.861 vota ose 6.40 për qind.
Ndryshe, Komisioni Qendror i Zgjedhjeve (KQZ) deri më tash ka proceduar 99.20 për qind të votave./KosovaPress