Në vazhdën e objektivit kryesor për rritjen e të hyrave vetanake nga shërbimet postare dhe komerciale të Postës së Kosovës, ushtruesi i detyrës së kryeshefit ekzekutiv Xhevdet Smakiqi sot nënshkroi edhe dy marrëveshje me kryetarin e Komunës së Skenderajt, Bekim Jashari.
Posta e Kosovës do të shpërndajë faturat e tatimit në pronë për të gjithë tatimpaguesit e Skenderajt, si dhe do të ofrojë shërbimet e pagesave të ndryshme për qytetarët brenda objektit të Komunës së Skenderajt.
Të dy udhëheqësit u zotuan se do të vazhdojnë bashkëpunimin e ndërsjellë dhe në interes të qytetarëve të Skenderajt, thuhet në njoftimin e Postës së Kosovës. /KosovaPress