Kryetari i Aleancës Kosova e Re (AKR) Behgjet Pacolli, ka hedhur poshtë pohimet se partia që ai drejton do të jetë pjesë e një koalicioni qeverisës me partinë fituese të Albin Kurtit.
Ai në një postim në Facebook ka thënë se lajmet për gjoja ofrimin e AKR, për të qenë pjesë e koalicionit qeverisës me Lëvizjen Vetëvendosje janë të pavërteta.
“AKR ka pranuar rezultatin zgjedhor dhe vlerëson se procesi duhet të përmbyllet shpejt (zgjedhjet të certifikohen dhe të krijohen institucionet të reja nga ata që e kanë këtë përgjegjësi). AKR do të qëndrojë në opozitë që nga fillimi”, ka shkruar Pacolli.
AKR në zgjedhjet e 14 shkurtit ishte pjesë e listës së përbashkët me Lidhjen Demokratike të Kosovës (LDK), e cila pësoi debakël duke bërë që kryetari i saj Isa Mustafa të jep sot dorëheqje nga ky post./KosovaPress