Deputetja, njëherit edhe pretendetja për presidente, Vjosa Osmani ka uruar besimtarët katolikë për Pashkët.
Osmani shkruan se dita e Pashkëve shënon triumfin e të mirë ndaj të keqes.
“Sot, besimtarët katolikë festojnë Pashkët. Kjo ditë shënon triumfin e të mirës ndaj të keqes. Bota, sikurse edhe ne, po përballet me pandeminë Covid-19. Të goditur nga kjo e keqe edhe kremtet janë transformuar. Në këtë ditë feste kam veç një urim. Që në një të ardhme të afërt, secilën festë ta presim bashkë, që ta kemi mundësinë secilit t`ia zgjatim dorën, ta urojmë e ta përqafojmë”, ka shkruar Osmani.
Ajo shkruan edhe se festa e Pashkëve shfaq dashurinë, tolerancën dhe zemërgjerësinë, të cilat populli ynë i kultivon në vazhdimësi.
“Festa e Pashkëve shpërfaqë dashurinë, tolerancën dhe zemërgjerësinë, të cilat populli ynë i kultivon në vazhdimësi. Le të na sjellin Pashkët mirësi e begati për mbarë kombin shqiptar! Gëzuar për shumë mot Pashkët”, ka shkruar Osmani në urimin e saj. /KP