Sonte rreth orës 21:30, në rrugën “Ilir Konushevci” në Prishtinë, ka ndodhur një përleshje fizike në mes të disa personave, ka bërë të ditur Policia e Kosovës.
Zëdhënësja e policisë rajonale për Prishtinë, Flora Ahmeti ka konfirmuar për KosovaPress se një person me këtë rast është plagosur.
“Bazuar në të dhënat fillestare, në këtë rast nga arma e ftohtë-thikë, është plagosur një i person, i cili është dërguar për trajtim mjekësor. Hetuesit policorë kanë nisur një hetim lidhur me rastin. Aktualisht janë duke punuar në arrestimin e dy personave të dyshuar, të cilët janë identifikuar si të përfshirë në rast”, ka thënë Ahmeti./KP