Kryeministri Albin Kurti është personi i parë i cili ka marrë dozën e parë të vaksinës AstraZeneca në Kosovë. Pas tij u vaksinua edhe zyrtarja për emergjenca në Organizatën Botërore të Shëndetësisë, Isme Humolli, infektologu i Klinikës Infektive, Sali Ahmeti dhe aktori Selman Jusufi.
Shpërndarja e vaksinës është bërë në sallën “1 tetori” në Prishtinë. Kryeministri Kurti pas marrjes së vaksinës tha se me këtë veprim inkurajon qytetarët e tjerë që të vaksinohen dhe se do të vijnë edhe vaksina të tjera.
Kurti: Nuk jam këtu për privilegj, por për t’i inkurajuar qytetarët Video“Si kryeministër i Kosovës nuk jam këtu që të shfrytëzoj privilegjin që të vaksinohem i pari, por që të inkurajoj të gjithë qytetarët që të vaksinohen meqenëse mbrëmë ka ardhur kontingjenti i parë i vaksinave kundër virusit COVID-19. Do të kemi edhe vaksina të tjera, do të përpiqemi që maksimalisht që sa më shumë qytetarë të vaksinohen dhe me shembullin tim këtu t’u them qytetarëve të Kosovës dhe t’i inkurajoj ata që të vaksinohen dhe të heq dilemat mbi dobinë e kësaj ndërmarrjeje. Pra, vaksinat janë të nevojshme, vaksinimi është i nevojshëm meqenëse përballemi me një pandemi shumë të vështirë që zgjidhja përfundimtare është vaksinimi i popullsisë…Fillojmë me personelin shëndetësor dhe të moshuarit për të vazhduar me të tjerët“, tha Kurti.Infektologu Sali Ahmeti pasi mori vaksinën tha se po ndihet shumë mirë dhe se shpreson që kjo vaksinë do të forcojë imunitetin. Ai foli edhe për gjendjen në Klinikën Infektive, ku tha se gjendja është e rënduar. Ahmeti: Ndihem i lehtësuar pasi e mora vaksinënVideo“Shumë mirë më i lehtësuar, më i relaksuar dhe natyrisht më i sigurt në përballjen me virusin edhe pse t’iu them të vërtetën unë jam mësuar me u përballë me virus të egër ditë për ditë me pacientë, nuk e kam dert me këtë virusin e zbutur laboratorik, por sidoqoftë po ndjehem mirë. Besoj që pas kësaj vaksine do të kem një imunitet edhe më të fortë dhe do të ndihem më i sigurt edhe në jetën e përditshme, por edhe në qasjen ndaj pacientëve… Gjendja është e rënduar, klinika punon me kapacitete të plota, kemi pacientë në gjendje të rëndë, por ne po bëjmë gjithë të mundurën që të ofrojmë shërbime sa më cilësore dhe që shëndeti i tyre të përmirësohet sa më shpejt të jetë e mundur”, u shpreh Ahmeti.Aktori Selman Jusufi (70) është personi i tretë i cili u vaksinua me AstraZenecën. Ai tha se është lajmëruar vetë për të marrë vaksinën dhe ka paraqitur një dosje mbi shëndetit e tij, e cila ia mundësoi të vaksinohet. Jusufi: Kosova e fitoi një armë për t’iu kundërvënë këtij armiku të padukshëm Video“Ky është një moment shumë i rëndësishëm në jetën time, mendoj që e njëjta gjë ka ndodhur edhe për Kosovën. Kjo është një ditë e rëndësishme, sepse më në fund edhe Kosova e fitoi një armë adekuate, me të cilën besoj se do t’i kundërvihemi këtij armiku të padukshëm deri tash. Jam shumë i relaksuar në këtë moment, e kam datën kur do të paraqitem për herën e dytë dhe besoj që me këtë armë me dy shpata do ta eliminojmë këtë të keqe… Mirë shumë mirë….Unë jam lajmëruar vetë, mosha ime, janë disa probleme shëndetësore, e kam një dosje, e kam prezantuar këtu, nuk është aq e keqe, por e kanë parë të arsyeshme që të vaksinohem tek e fundit, unë jam më i vjetër se kryeministri. Ai e mori vaksinën”, tha ai.AstraZeneca, jepet në dy doza, me një diferencë kohore prej tri javësh, ndërsa Kosova mbrëmë ka pranuar 24 mijë doza e para të kësaj vaksine. Këto doza janë siguruara nga programi COVAX i Organizatës Botërore të Shëndetësisë.Në bazë të planit të vaksinimit në fazën e parë do të vaksinohen grupet me rrezik të lartë ku përfshihen punëtorët shëndetësorë, banorët dhe punëtorët shëndetësorë të shtëpive të kujdesit për të moshuarit, grup-moshat mbi 80-vjeç dhe një pjesë e popullsisë me sëmundje kronike (persona në dializë, persona me diabet, sëmundje kardiovaskulare).Në këtë grup, numri i përgjithshëm i personave llogaritet të jetë 54.000 mijë apo tre për qind e popullsisë së përgjithshme të Kosovës.Faza e dytë përfshinë grup-moshat 65-79 vjeç, popullsia e mbetur me sëmundje kronike, mësimdhënësit dhe forcat e sigurisë që janë të përfshira në menaxhimin e pandemisë COVID-19. Ky grup përbëhet nga 306.000 persona apo 17 për qind e popullsisë.Ndërkaq, për fazën e tretë parashihet të bëhet vaksinimi i 50 për qind të popullsisë në mënyrë që të arrijë 900 mijë persona ose 70 për qind të mbulimit të përgjithshëm të popullsisë me vaksinën antiCOVID-19./B.Ibishi/KP