Komandanti i KFOR-it, gjeneral major Franco Federici, kryesoi ceremoninë e ndryshimit të komandës së grupit mbështetës të shtabit (HSG) në Shtabin e KFOR-it, në bazën “Film City”.
Para një grupi të kufizuar të personelit ushtarak dhe civil, duke respektuar masat parandaluese kundër COVID-19, koloneli Mark Broënen, komandanti në largim i HSG-së, në fjalën e tij falënderoi të gjithë personelin që punoi për shtabin e tij, duke kontribuar në përmbushjen e të gjitha detyrave të caktuara në një mjedis mjaft sfidues.
Zëvendëskomandanti i KFOR-it, gjeneral Brigade Gunter Schopf, theksoi rolin e rëndësishëm të HSG dhe shprehu mirënjohjen dhe vlerësimin e tij për ushtarët dhe punëtorët civilë; duke theksuar profesionalizmin dhe angazhimin e tyre në kryerjen e detyrave të përditshme dhe thelbësore në mbështetjen e misionit të KFOR-it të udhëhequr nga NATO.
Në fund të ceremonisë, komandanti i KFOR-it, gjeneral majori Federici, i dha kolonel Mark Broënen medaljen “NATO Non-Article 5”.
Roli i Grupit të Mbështetjes së Shtabit është të sigurojë mbështetje reale për bazën “Film City” dhe objektet e caktuara duke përfshirë: Bazën ne Novosellë, Bazën “Nothing Hill” dhe Aeroportin Ushtarak në Sllatinë. Për më tepër, ata kanë përgjegjësinë e rëndësishme për të garantuar sigurinë në Bazën “Film City” dhe në Selinë e KFOR-it./KP