Ministri i deritanishëm i Arsimit dhe Shkencës, Ramë Likaj, ia dorëzoi sot detyrën ministres së re Arbërie Nagavci.
Me këtë rast, Likaj uroi Nagavcin për detyrën e re në këtë sektor të rëndësishëm të jetës në Kosovë.
Gjatë takimit, Likaj e informoi ministren Nagavci për punën që është bërë gjatë periudhës sa ka qenë në krye të MASh, me theks të veçantë organizimin e mësimit në kushte të pandemisë, por edhe për proceset që janë duke u zhvilluar.
Ministrja Nagavci e falënderoi ministrin Likaj për punën që ka bërë në këtë ministri dhe theksoi se do të vazhdojë me përkushtim punën në institucionin më të lartë të arsimit në vend. /KP