Pas barazimit me Gjilanin, Ballkani ka marrë një tjetër rezultat zhgënjyes në Superligën e Kosovës pasi është mposhtur nga Llapi me rezultat 1-0 në ndeshjen e vlefshme për xhiron e 22 të këtij edicioni garues në futboll.
Në një ndeshje që pati edhe tensione të larta ku dy lojtar u përjashtuan nga loja me karton të kuq (Coric i Llapit dhe Zeka i Ballkanit), rezultatin e vendosi goli i Sadriut në minutën e 69’ të ndeshje i cili edhe ia siguroi tri pikë të arta Llapit, raporton KosovaPress.
Pas fitores se Dritës dhe kësaj humbjeje të Ballkanit, tani ka ndryshuar edhe renditja në kreun e tabelës të cilën tashmë e udhëheq Drita me 47 pikë, e ndjekur nga Ballkani në vendin e dytë me 45 pikë si dhe Prishtina me 44.
Llapi nga ana tjetër me këtë fitore ngritet në vendin e gjashtë me 26 pikë të mbledhura./KosovaPress