Anësori i Juventusit, Juan Cuadrado do të humbasë tre ndeshjet e ardhshme për shkak të një dëmtimi në muskul dhe synon të rikthehet kundër Spezias në mars.
Kolumbiani ka pësuar një dëmtim të shkallës së ulët të kyçit dhe ekzaminimet në J Medical e përjashtuan atë për ndeshjet kundër FC Portos, Crotones dhe Hellas Veronas, përcjell KosovaPress.
Lëndimi i tij do të rivlerësohet pas 10 ditësh dhe lojtari synon të rikthehet kundër Spezias më 3 Mars, ose më së voni ndeshjen e madhe kundër Lazios katër ditë më vonë.
Juventusi përballet me Porton të mërkurën në ndeshjen e parë të fazës së 1/16 në Ligën e Kampionëve dhe duhet të përballet pa 32-vjeçarin, i cili ka kontribuar me pesë asistime në pesë ndeshje në fazën e grupeve të kësaj gare në këtë sezon./KosovaPress