Humbja kundër Chelsea-t nuk është problemi i fundit i Liverpool-it, pasi që sot Klopp e konfirmoi se mbrojtësi Ozan Kabak ka pësuar një lëndim, raporton “Goal”.
Kabak luajti 90 minuta të plotë në humbjen e kampionëve mbrëmë kundër “Bluve” të Londrës, dhe sot u konfirmua që në ndeshjen e radhës kundër Fulham-it ai nuk do të paraqitet, përcjell KosovaPress.
Lista e lëndimeve te Liverpooli nuk ka të ndalur, ku pas Van Dijk, Gomez, Matip, Fabinho, Henderson, asaj i shtohet edhe turku Kabak.
Për ndeshjen e radhës, Klopp do të ketë të gatshëm për përzgjedhje, vetëm dy mbrojtës natyralë, Ben Davies dhe Nathaniel Philipps, dhe mesfushorin Fabinho./KosovaPress