Lidhja Demokratike e Kosovës ka mbajtur konferencën e dytë me radhë ku ka njoftuar se deri më tash nuk kanë pranuar ndonjë shqetësim serioz për procesin zgjedhor.
Ardita Dushi, zëdhënëse e shtabit zgjedhor të LDK-së, tha se LDK po përcjell me kujdes procesin zgjedhor, teksa shtoi se përkundër kushteve të vështira atmosferike qytetarët po ushtrojnë të drejtën e tyre për të votuar sipas trendit të zakonshëm.
Dushi: Nuk kemi vërejtje për procesin zgjedhor
Video
“LDK po përcjell me kujdes procesin zgjedhor dhe deri më tani nuk kemi informata për ndonjë shqetësim serioz. Dalja e votuesve përkundër kushteve të vështira atmosferike po vazhdon të jetë në trendin e zakonshëm… LDK iu bënë thirrje të gjithë qytetarëve të Republikës të Kosovës që të që ta ushtrojnë të drejtën e tyre për të votuar pa asnjë ndikim”, tha ajo.
Dushi shprehu mirënjohje për të gjitha institucionet e Kosovës që në kushte të vështira atmosferike po angazhohen për të krijuar kushte të favorshme që qytetarët të arrijnë në qendrat e votimit./N.Jakupi/ KosovaPress