Lidhja Demokratike e Kosovës përmes një komunikate konfirmoi edhe kandidaturën e Anton Qunit për kryetar të partisë.
Pas publikimit të emrave të Lutfi Hazirit dhe Lumir Abdixhikut, LDK nuk u deklarua rreth Qunit duke lënë hapësirë për interpretime të ndryshme edhe brenda anëtarësisë.
Megjithatë, gjithçka është sqaruar pasditen e sotme dhe LDK thotë se pret kandidatura të tjera deri të dielën.
“Dëshirojmë ta njoftojmë anëtarësinë e LDK-së, se deri më tani kanë paralajmëruar kandidaturat për kryetar të LDK-së, z. Anton Quni, nënkryetar i LDK-së dhe kryetar i degës së LDK-së në Prizren, z. Lutfi Haziri, nënkryetar i LDK-së, kryetar i komunës së Gjilanit dhe i degës së LDK-së në Gjilan dhe z. Lumir Abdixhiku, anëtar i Kryesisë së LDK-së. Në ditët në vijim priten paralajmërime edhe të kandidatëve të tjerë”, thuhet në komunikatën e LDK./KosovaPress