Emisari special i BE-së për dialogun, Mirosllav Lajçak ka uruar Vjosa Osmanin me rastin e zgjedhjes në krye të shtetit të Kosovës.
“Urime Vjosa Osmani për zgjedhjen tuaj si presidente e Kosovës! Ju uroj shumë suksese në pozicionin tuaj të rëndësishëm dhe mezi pres të punojmë së bashku”, ka shkruar diplomati sllovak në Twitter.
Vjosa Osmani në raundin e tretë të votimit sot në seancën e jashtëzakonshme të Kuvendit të Kosovës mori 71 vota, të cilat ishin të mjaftueshme për të siguruar postin e ri për pesë vjetët e ardhshëm./KP