Pas fitores ndaj Andorras, Shqipëria pësoi humbje me rezultat 2-0 në “Air Albania”. Këto dy ndeshje ishin të vlefshme për kualifikimet për në Kampionatin Botëror “Katar 2022”.
Trajneri Edi Reja ka freskuar skuadrën duke inkuadruar disa lojtarë të rinj se Aramndo Broja, Rey Manaj e të tjerë por të cilët nuk ia dolën të merrnin një rezultat pozitiv ndaj skuadrës së Gareth Southgate, përcjellë KosovaPress.
Kombëtarja e Shqipërisë ka pësuar ndryshime të dukshme në përbërjen e saj nëse e krahasojmë më atë të gjashtë viteve më parë.
Federata Shqiptare e Futbollit ka rikthyer në vëmendje ndeshjen e datës 29 mars 2015 kur Shqipëria ballafaqohej me Armeninë, ndeshje e vlefshme për eliminatoret e Euro2016, takim të cilin Shqipëria e fitoi me përmbysje me rezultat 2-1 me golat e realizuara nga Mërgim Mavraj dhe Shkëlzen Gashit.
Ky ishte formacioni i Shqipërisë në atë periudhë:
Etrit Berisha, Lorik Cana, Elseid Hysaj, Mërgim Mavraj, Taulant Xhaka, Ansi Agolli, Amir Abrashi, Sokol Cikalleshi, Burim Kukeli, Ledian Memushaj, Odise Roshi./KP